Դիտել բոլոր նորությունները

Նորություններ


1 2 3 4 5 6

  Դասախոսություն և գիտական սեմինար պրոֆեսոր Ժոզիեն Մոթի այցի շրջանակներում
   
  Թուլուզի Ինֆորմատիկայի հետազոտությունների ինստիտուտի (Ֆրանսիա, https://www.irit.fr/) պրոֆեսոր Ժոզիեն Մոթի Երևան այցի շրջանակներում Ինֆորմատիկայի և ավտոմատացման պրոբլեմների ինստիտուտը կազմակերպում է դասախոսություն և  գիտական սեմինար։
Մարտի 19-ին ժ. 11:30-12:30–ը բոլոր ուսանողներին հրավիրում ենք մասնակցելու «Տեղեկատվության որոնման ներածություն» թեմայով դասախոսությանը։
Դասախոսությունը մանրամասն կներկայացնի տեղեկատվության որոնումն ու նրա հիմնական հասկացությունները, ինչպես նաև առկա մարտահրավերները։
Դասախոսության լեզուն անգլերենն է։ Մուտքն ազատ է։

Իսկ մարտի 21-ին ժ. 14.00-15:20-ը Ինֆորմատիկայի և ավտոմատացման պրոբլեմների ինստիտուտը բոլոր ցանկացողներին հրավիրում է մասնակցելու գիտական սեմինարի «FabSpace 2.0-ի փորձից քաղած դասերը» թեմայով։ 
Պրոֆ. Մոթը կներկայացնի FabSpace 2.0 ծրագրի հասկացությունները և ծրագրում իրենց իրականացրած գործունեությունը։ Նա կներկայացնի նաև ծրագրի 3 տարվա գործունեության ընթացքում ձեռք բերված փորձը։
FabSpace 2.0-ը բաց-նորարարական ցանց է գեոտվյալների վրա հիմնված նորարարության համար՝ օգտագործելով տիեզերական տվյալները, մասնավորապես,  Universities 2.0-ում։ Այն հանդիսանում է մեկ-քայլով հասանելի-մուտք դեպի Տիեզերական և բազմատեսակ այլ տվյալներ, ինչպես նաև ազատ ծրագրային ապահովում և տվյալների մշակման միջոցներ` նոր թվային հավելվածների մշակման համար:

  Փորձի փոխանակում պրոֆեսոր Ժան-Մարկ Պիրսոնի այցի շրջանակներում
   
  Թուլուզի Ինֆորմատիկայի հետազոտությունների ինստիտուտի (Ֆրանսիա, https://www.irit.fr/) պրոֆեսոր Ժան-Մարկ Պիրսոնի փետրվարին կատարած այցի շրջանակներում Ինֆորմատիկայի և ավտոմատացման պրոբլեմների ինստիտուտը կազմակերպեց դասախոսություն և գիտական սեմինար։

Դասախոսության թեման էր “Security: Basics, Firewalls, VPN, Attacks”, և այն բաց էր բոլոր ուսանողների համար, որն էլ հնարավորություն տվեց ինչպես ՀՀ ԳԱԱ Միջազգային գիտակրթական կենտրոնի, այնպես էլ Հայաստանի ազգային պոլիտեխնիկական համալսարանի համապատասխան ոլորտի ուսանողներին մասնակցելու դասախոսությանը։ Ուսանողները հնարավորություն ունեցան լսելու պրոֆ. Ժան-Մարկ Պիրսոնի ելույթը, որից հետո նաև քննարկելու իրենց հետաքրքրող հարցերը թեմայի շուրջ։

Դասախոսությանը հետևեց գիտական սեմինար «DATAZERO: միայն վերականգնվող էներգիայով հագեցած տվյալների կենտրոն և դրա պլանավորման հարցերը» թեմայով։ Պրոֆ Պիրսոնը ներկայացրեց տվյալների կենտրոնի վերականգնվող էներգիայով սնուցման մոտեցումներն ու մարտահրավերները։ Ելույթին հետևեց թեմայի շուրջ քննարկում բանախոսի և ԻԱՊԻ աշխատակիցների միջև։

  Ինֆորմատիկայի և ավտոմատացման պրոբլեմների ինստիտուտը անցկացնում է «Digital Libraries and Preservation» դասընթաց
   
  2019թ. փետրվարի 19-21-ը Ինֆորմատիկայի և ավտոմատացման պրոբլեմների ինստիտուտը անցկացնում է «Digital Libraries and Preservation» դասընթացը, որի նպատակը թվային գրադարանների, թվային գրադարանի հիմնական գործառույթների և այլ հարակից թեմաների ներկայացումն է:

Եռօրյա դասընթացը կազմակերպվում է Արևելյան գործընկերության (EaPConnect) ծրագրի շրջանակներում, դասընթացավարները ներկայացնում են Պոզնանի սուպերկոմպյուտերային և ցանցային կենտրոնը (PSNC):

Դասընթացի հիմնական թիրախային խմբերն են. ՀՀ ԳԱԱ Հիմնարար գիտական գրադարանի, Հայաստանի ազգային գրադարանի, Հին ձեռագրերի գիտահետազոտական ինստիտուտի, Հայոց ցեղասպանության թանգարան-ինստիտուտի, ԻԱՊԻ գիտական տեղեկատվության վերլուծության և մոնիթորինգի կենտրոնի աշխատակիցները:

Դասընթացը բաց է մասնակիցների համար:

Դասընթացի առաջին երկու օրերը ավելի շատ նախատեսված են խմբագիրների և dLibra համակարգի ադմինիստրատորների համար, իսկ վերջին օրը նվիրված կլինի տեղակայման և ներդրման շուրջ քննարկումներին:

  Աշխատանքային գիտաժողով Աղվերանում ՀՀ ԳԱԱ գիտաժողովների տանը
   
  Հունվարի 26-ին Աղվերանում ՀՀ ԳԱԱ գիտաժողովների տանը տեղի ունեցավ Ինֆորմատիկայի և ավտոմատացման ինստիտուում պետական նպատակային ծրագրի շրջանակներում հերթական աշխատանքային գիտաժողովը` նվիրված “Ամպային հաշվարկների միջավայրի ստեղծում գիտական և կիրառական խնդիրների լուծման համար” թեմային:

Ծրագիրը նպատակաուղղված է բնագիտկան (հիդրոօդերևութաբանության, բնապահպանության, սեյսմաբանության, կենսաբանության և Սևանա լճի բնապահպանական մշտադիտարկման ոլորտներում) խնդիրների լուծմանն ու ամպային ենթակառուցվածքի զարգացմանը` օգտագործելով ազգային հետազոտական էլեկտրոնային ենթակառուցվածքի հնարավորությունները:

Գիտաժողովին ելույթներով մասնակցեցին ՀՀ ԿԳՆ Գիտության կոմիտեի, ՀՀ ԳԱԱ Ինֆորմատիկայի և ավտոմացման պրոբլեմների, Մոլեկուլային կենսաբանության, Երկրաբանական գիտությունների, Ռադիոֆիզիկայի և էլեկտրոնիկայի,  Ա. Նազարովի անվան երկրաֆիզիկայի և ինժեներային սեյսմաբանության ինստիտուտների, ՀՀ Արտակարգ իրավիճակների նախարարության Հիդրոօդերևութաբանության և մթնոլորտային երևույթների մոնիթորինգի ծառայության և Բնապահպանության նախարարության Շրջակա միջավայրի մոնիթորինգի և տեղեկատվության կենտրոնի և այլ կազմակերպություննրի առաջատար մասնագետները:


  Հանդիպում Պրոֆ. Ժան Պիեռ-Ջեսելլի և ԻԱՊԻ-ի աշխատակիցների միջև
   
  2019թ. հունվարի 23-ին ԻԱՊԻ-ում կայացավ հանդիպում Պրոֆ. Ժան Պիեռ-Ջեսելլի և աշխատակիցների միջև: Քննարկման ժամանակ ԻԱՊԻ-ի աշխատակիցները ներկայացրեցին իրենց գործունեությունը թվայնացման ոլորտում: Քննարկվեցին տվյալ ոլորտում հնարավոր համագործակցության եզրեր:

1 2 3 4 5 6
 
Նորություններ
2022թ. մայիսի 19–ին ժ.14։00–ին տեղի կունենա
ՀՀ ԳԱԱ ԻԱՊԻ ընդհանուր գիտական սեմինար (սեմինարը կանցկացվի 414 սեմինարների սենյակում
/4-րդ հարկ/):

Օրակարգում`
ֆ․մ․գ․թ․ Սերգեյ Աբրահամյանի “Ցանցային միջավայրում կիբերանվտանգության ապահովման նոր մեթոդների կիրառումը (Հուսալի կիբերանվտանգության կազմակերպման հիմնական կանոնները և դրանց հասնելու սկզբունքների քննարկում։ Մոնիտորինգի պատրաստի համակարգերի կիրառում, հաշվետվությունների ստեղծում և դրանց հիման վրա լուծումների առաջարկներ։) թեմայով զեկույցը:



2022թ. հունիսի 21-ին ժ.10:00-ին 
Ինֆորմատիկայի և ավտոմատացման պրոբլեմների ինստիտուտում անցկացվելու է 2022/2023թթ. ուսումնական տարվա առկա ուսուցման ասպիրանտուրայի ընդունելության մասնագիտական քննություն՝ ըստ Ե.13.04, Ե.13.05 մասնագիտությունների:
Ընդունելության ծրագիրը




We are pleased to announce that in the frame of the All4R&D project's second open call 26 courses in 6 categories are offered, as well as 4 innovative practices, free of charge. The courses are tailored-made, based on the assessed needs of students and professionals, and trends in the industry. The courses are co-created and are offered in joint collaboration of academic and business organizations from 6 countries (Armenia, Bosnia and Herzegovina, North Macedonia, Germany, Finland, and Austria).

All courses will be in English and employ innovative teaching methods.
Click here for more information.



Բաց մրցույթ  երիտասարդ գիտահետազոտողների  և  ինդուստրիալ կազմակերպությունների համար մասնակցելու գիտահետազոտական նախագծերին

Ուրախ ենք տեղեկացնել, որ ՀԱՊՀ/ԻԱՊԻ համագործակցային բաժինը հայտարարել է բաց մրցույթ մագիստրատուրայի և ասպիրանտուրայի ուսանողների, երիտասարդ գիտաշխատողների  և  ինդուստրիալ կազմակերպությունների համար՝ մասնակցելու հետևյալ երկու միջազգային հետազոտական նախագծերին։
  • Astronomical Objects Classification
  • Performance Optimization System for Hadoop and Spark Frameworks:
Մենք հրավիրում ենք բոլոր հետաքրքրված կողմերին մասնակցելու այս նախագծերին։
Մանրամասներին կարող եք ծանոթանալ հետևյալ հղումով՝
http://platform.all4rd.net/index.php/2021/02/19/open-call-for-participation-of-young-researchers-and-companies-in-research-projects-3/:




                                                           
ԿԱՊ ՄԵԶ ՀԵՏ
  • 0014, ք. Երևան, Հայաստանի Հանրապետություն, Պ.Սևակ 1
  • Հեռ.: (+37410) 28-20-30
  • Էլ. փոստ: ipia@ipia.sci.am
ԻՆՍՏԻՏՈՒՏԻ ՄԱՍԻՆ
ԳԻՏ. ԳՈՐԾՈՒՆԵՈՒԹՅՈՒՆ
ԿՐԹՈՒԹՅՈՒՆ