|
Դոկտոր Հրաչյա Ասցատրյանը հանդես եկավ «Էկզասքեյլ ԵՎ զուգահեռ հաշվարկներ. Հայաստանի փորձը» թեմայով սեմինարով Չուլալոնգկորն համալսարանում, Թաիլանդ
Բանգկոկ, Թաիլանդ
Վերջերս Թաիլանդ կատարած այցի շրջանակում դոկտոր Հրաչյա Ասցատրյանը, այցելեց Թաիլանդի առաջատար կրթական հաստատություններից մեկը՝ Չուլալոնգկորն համալսարանը։ Այցի ընթացքում դոկտոր Սուպարեակ Պրասերթդամի՝ Քիմիական ինժեներիայի բաժնի դոցենտի նախաձեռնությամբ կազմակերպվեց մասնագիտական սեմինար։
Սեմինարը, որն անցկացվեց «Էկզասքեյլ և զուգահեռ հաշվարկներ. Հայաստանի փորձը» թեմայով, համախմբեց տարբեր բնագավառների՝ քիմիական ճարտարագիտության, քիմիա, նյութագիտություն, ֆիզիկա և կիրառական գիտություններ ոլորտների ուսանողներ և հետազոտողներ։ Դոկտոր Ասցատրյանը ներկայացրեց բարձր արտադրողականությամբ հաշվարկների ոլորտում վերջին զարգացումները՝ ընդգծելով Հայաստանի փորձն ու ներդրումները այս կարևոր ուղղությամբ։
Սեմինարը տեղի ունեցավ հիբրիդ ձևաչափով՝ հնարավորություն ընձեռելով մասնակցել ինչպես առկա, այնպես էլ առցանց ձևով, ինչը նպաստեց ավելի լայն ընդգրկվածության և մասնակցության։ Միջոցառումն ակտիվ քննարկումների առիթ հանդիսացավ և կարևոր հարթակ ապահովեց գիտելիքի փոխանակման համար։Սեմինարի ավարտից հետո դոկտոր Ասցատրյանն ու դոկտոր Պրասերթդամը քննարկեցին հետագա համագործակցության հնարավորությունները՝ ուսումնասիրելով փոխադարձ հետաքրքրություն ներկայացնող թեմաներ գիտական հաշվարկների և միջդիսցիպլինար հետազոտությունների ոլորտում։ Քննարկման արդյունքում ձևավորվեց ապագա համատեղ նախաձեռնությունների և համագործակցության հիմք հայկական և թայլանդական ակադեմիական կառույցների միջև։
Այս նախաձեռնությունը վկայում է Հայաստանի և Թաիլանդի գիտակրթական համագործակցության ամրապնդման մասին և ընդգծում է բարձր արտադրողականությամբ հաշվարկների գլոբալ կարևորությունը՝ ժամանակակից գիտական և տեխնոլոգիական մարտահրավերների հաղթահարման գործում։
|
|
|
