|
Պրոֆեսոր Վոլֆգանգ Գլանզելի կողմից անցկացվեց սեմինարների շարք գիտաչափության վերաբերյալ
2026 թ․ հուլիսի 14–17-ը ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտում հաջողությամբ անցկացվեց գիտաչափության ոլորտի առաջատար մասնագետ, Լյուվենի համալսարանի պրոֆեսոր, ECOOM (Research and Development Monitoring Research Centre)-ի տնօրեն Վոլֆգանգ Գլանզելի սեմինարների շարքը։
Այցը կազմակերպվել էր ԵԳԱԾ-ի կողմից կազմակերպված «Արտերկրի գիտնականների կարճատև այցելություններ ՀՀ գիտահետազոտական կազմակերպություններ» մրցույթում հաղթած 25YSSP-VRP-012 ծածկագրով գիտական դրամաշնորհային ծրագրի շրջանակում՝ ղեկավար պ.գ.թ. Գևորգ Կեսոյան։
Սեմինարների ընթացքում պրոֆեսոր Գլանզելը ներկայացրեց գիտաչափության արդի տեսական և կիրառական մոտեցումները՝ անդրադառնալով հետևյալ թեմաներին.
- Bibliometric Indicators – հրապարակումների գնահատման հիմնական ցուցանիշներ, հղումների վերլուծություն, նորմավորված չափանիշներ և գիտական արդյունավետության գնահատման հիմնական սկզբունքներ։
- Science Mapping and Network Analysis – գիտական համագործակցության և գիտելիքի կառուցվածքի քարտեզագրման մեթոդներ, ներառյալ համահեղինակության, ինքնահղման, bibliographic coupling-ի և կլաստերային վերլուծության մոտեցումները։
- Interdisciplinarity – միջդիսցիպլինարության տեսական հիմքերը, քանակական գնահատման մեթոդները, ինչպես նաև գիտաչափական գործիքներով միջառարկայական հետազոտությունների վերլուծության հնարավորություններն ու սահմանափակումները։
- Scientometrics 2.0 and Altmetrics – գիտական ազդեցության գնահատման ժամանակակից մոտեցումներ, ներառյալ սոցիալական մեդիայի արձագանքի, օգտագործման ցուցանիշների (usage metrics) և այլընտրանքային չափանիշների (altmetrics) հնարավորություններն ու սահմանափակումները գիտական գնահատման գործընթացում։
- Career and Institutional Evaluation – գիտաչափական գործիքների կիրառումը գիտական կարիերայի զարգացման, համագործակցության ցանցերի, գիտական ամսագրերի ցուցանիշների, ինչպես նաև գիտահետազոտական կազմակերպությունների գործունեության արդյունավետության և գերազանցության գնահատման համար։
Սեմինարներին մասնակցեցին Գիտական տեղեկատվության վերլուծության և մոնիթորինգի կենտրոնի բոլոր աշխատակիցները, երիտասարդ հետազոտողներ, ասպիրանտներ և գիտահետազոտական կազմակերպությունների ներկայացուցիչներ։ Քննարկումների ընթացքում մասնակիցները հնարավորություն ունեցան ծանոթանալու գիտաչափության ոլորտի միջազգային լավագույն փորձին, ժամանակակից վերլուծական մեթոդներին և դրանց կիրառման հնարավորություններին՝ ինչպես հետազոտական գործունեության, այնպես էլ գիտության կառավարման և քաղաքականության մշակման գործընթացներում։
Միջոցառումը կարևոր ներդրում էր Հայաստանում գիտաչափության ոլորտի զարգացման, հետազոտությունների գնահատման ժամանակակից մեթոդաբանության տարածման և միջազգային գիտական համագործակցության խորացման ուղղությամբ։
|
|
|
