Նախատեսվող սեմինարներ

• 2024 թ․ նոյեմբերի 19-ին ժամը 11․00-ին ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտում տեղի կունենա «Ինչպե՞ս տպագրել հոդված WoS և Scopus շտեմարաններում ինդեքսավորված ամսագրերում» թեմայով սեմինար (սեմինարը կանցկացվի սեմինարների սենյակում /4-րդ հարկ/), որը կվարի Վիկտոր Բլագինինը։ 
  
  Վիկտոր Բլագինինը Ուրալի պետական տնտեսագիտական համալսարանի Գիտաչափության և վարկանիշային հետազոտությունների կենտրոնի ղեկավարն է, «Պետական դրամաշնորհային ծրագրերի դերը գիտության արդյունավետության բարձրացման և միջազգայնացման գործում» դրամաշնորհային ծրագրի օտարերկրյա գործընկերը: Նա ոլորտին վերաբերող մի քանի տասնյակ գիտական հրապարակումների հեղինակ է, որոնց մեծ մասը տպագրվել է WOS և Scopus շտեմարաններում ինդեքսավորված ամսագրերում:
  
  Սեմինարին կարող են մասնակցել գիտական կազմակերպությունների և բարձրագույն ուսումնական հաստատությունների երիտասարդ գիտնականները, հետազոտողները և ուսանողները։ Մասնակցության համար անհրաժեշտ է լրացնել հետևյալ հայտը՝ https://forms.gle/GrAQQh7gbsBdNyhC7:
  
  Սեմինարի ընթացքում մասնակիցներին կներկայացվեն կարևոր տեղեկություններ WOS և Scopus շտեմարաններում ինդեքսավորված ամսագրերի կողմից ներկայացվող պահանջների, հրապարակումների կառուցվածքի, հրապարակման ընթացքի, ամսագրերի ճիշտ ընտրության և համանման այլ հարցերի վերաբերյալ։
  


• 2024թ. նոյեմբերի 21–ին ժ.14։00–ին տեղի կունենա ՀՀ ԳԱԱ ԻԱՊԻ ընդհանուր գիտական սեմինար (սեմինարը կանցկացվի սեմինարների սենյակում /4-րդ հարկ/):
  
  Օրակարգում`
  ֆ․մ․գ․դ․, առ․գ․ա․ Աշոտ Գևորգյանի “Դասական երեք մարմնի ընդհանուր խնդրի տեսական և թվային հետազոտությունը” (Խնդրի հետազոտությունը ունի, ինչպես շատ կարևոր իմացաբանական նշանակություն դասական դինամիկ համակարգերի առանձնահատկությունների  ուսումնասիրման տեսանկյունից, այնպես էլ ծանրակշիռ կիրառական նշանակություն, քանի որ մարդկությանը հայտնի քիմիական փոխարկումների 80%-ից ավելին նկարագրվում են դասական երեք մարմնի խնդրի շրջանակներում, բայց մինչև այժմ չի ստեղծված քիչ թե շատ օգտագործելի ծրագրային գործիք, որը թույլ կտար խնդիրը թվայնորեն մոդելավորել: Զեկուցման առաջին մասում կներկայացվի տեսական արդյունքները, որոնք էապես նոր են նշված ուղղության համար, իսկ երկրորդ մասում կքննարկվի խնդրում զարգացված ալգորիթմը և այն ապագայում ծրագրային գործիքի վերածելու հարցը:)” թեմայով զեկույցը: