|
«Համակարգչային գիտություն ԵՎ ինֆորմացիոն տեխնոլոգիաներ» խորագրով 13-րդ երկամյա գիտաժողով
Սեպտեմբերի 26-ից հոկտեմբերի 1-ը Երևանում տեղի կունենա «Համակարգչային գիտություն և ինֆորմացիոն տեխնոլոգիաներ» խորագրով 13-րդ երկամյա գիտաժողովը, որը կազմակերպվում է ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի կողմից։ Գիտաժողովին աջակցում են Հայաստանի Հանրապետության Գիտությունների ազգային ակադեմիան և Գիտության պետական կոմիտեն։ Գիտաժողովի հիմնական թեմաներն են`հաշվողական մեթոդներ և դրանց կիրառումը, մեքենայական ուսուցում և արհեստական բանականություն, հեռահաղորդակցական ցանցեր, ամպային և բարձր արտադրողականության հաշվողական ծառայություններ, մեծ տվյալներ և ինտերնետ, պատկերի թվային մշակում, դիսկրետ մաթեմատիկա և համակարգային վերլուծություն,ինֆորմացիոն տեխնոլոգիաների կիրառում, տեղեկատվական անվտանգություն և տեսություն։
Առավել մանրամասն տեղեկություն ստանալու համար կարող եք այցելել` https://csit.am/2021/: Նիստերը և սեմինարները բաղկացած են տարբեր թեմաներից, որոնց հետ կարող եք ծանոթանալ մեր ծրագրում` https://csit.am/2021/schedule.php:
Գրանցվել՝ https://csit.am/2021/reg.php:
Ներկա մասնակիցների համար նիստերը կանցկացվեն Ինֆորմատիկայի և ավտոմատացման պրոբլեմների ինստիտուտի նիստերի դահլիճում և Հայաստանի ազգային պոլիտեխնիկական համալսարանում։
Գիտաժողովը հասանելի կլինի նաև առցանց:
|
|
|