|
ԱԿԱԴԵՄԻԿԱԿԱՆ ՍԵՄԻՆԱՐՆԵՐԻ ՇԱՐՔ
իրականացվում է «Հայաստանում Ազգային գերհամակարգչային կենտրոնի ստեղծում» ծրագրի շրջանակում
Հայաստանում բարձր արտադրողականությամբ հաշվարկների, ամպային տեխնոլոգիաների, մեծածավալ և լայնամասշտաբ տվյալների վերլուծության, արհեստական բանականության ոլորտներում նորարարական լուծումների ստեղծումն, ինչպես նաև որակավորված մասնագետների պատրաստումն այսօր օրակարգային է։
Հենց այս ոլորտի զարգացմանն է ուղղված ակադեմիական սեմինարների շարքը, որում ներառված են չափազանց ինտերակտիվ և հետաքրքիր հանդիպումներ, որոնք կխթանեն երիտասարդների հետաքրքրությունը ոլորտի նկատմամբ և կտան բազային գիտելիք և հմտություններ։
ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի (ԻԱՊԻ) Գիտական հաշվարկների կենտրոնի ղեկավար Հրաչյա Ասցատրյանը կվարի ակադեմիական սեմինարների շարքի առաջին հանդիպումը՝ ընդհանուր հիշողությամբ և բաշխված հիշողությամբ համակարգիչների ծրագրավորման գործիքների մասին։
Այսպիսով, սպասում ենք Ձեզ հենց այս հինգշաբթի՝ մայիսի 19-ին ժամը 19։30-ին, ISTC-ում։ Եկեք նորը սովորելու և կիսվելու Ձեր գիտելիքներով։
Սեմինարների շարքն իրականացվում է «Հայաստանում Ազգային գերհամակարգչային կենտրոնի ստեղծում» ծրագրի շրջանակում՝ «Ձեռնարկությունների ինկուբատոր» հիմնադրամի, ԵՊՀ «Տվյալների գիտությունը բիզնեսում» մագիստրոսական ծրագրի, ԳԱԱ Ինֆորմատիկայի և ավտոմատացման պրոբլեմների ինստիտուտի կողմից։
|
|
|
