Դիտել բոլոր նորությունները

31.01.2024

Դեպի ներառական, որակյալ, թվային ԵՎ կանաչ ուղղվածությամբ բարձրագույն կրթության՝ KPI4HE ծրագրի մեկնարկը ԵրԵՎանում





Երևան, 30-31 հունվարի, 2024թ.
Երևանի պետական համալսարանի (ԵՊՀ) գիտական խորհրդի դահլիճում տեղի ունեցավ «Հայաստանում ներառական, թվային և կանաչ ուղղվածությամբ բարձրագույն կրթության պատշաճ կառավարման և որակի համար գործունեության առանցքային ցուցանիշների ազգային շրջանակի (ԳԱՑԱՇ) ստեղծում» (KPI4HE)  Էրազմուս+ ծրագրի մեկնարկային հանդիպումը՝ հագեցած օրակարգով և ներկայանալի մասնակիցներով:
Եռամյա ծրագրի համակարգողը Երևանի պետական համալսարանն է, որին մասնակցում են ՀՀ ԿԳՄՍ նախարարությունը, Մասնագիտական կրթության որակի ապահովման ազգային կենտրոնը (ՈԱԱԿ), ՀՀ հինգ բուհեր, ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտը, ինչպես նաև եվրոպական երեք բուհեր (Դրեզդենի տեխնիկական, Օլդենբուրգի (Գերմանիա) և Ջենովայի (Իտալիա) համալսարանները):

Միջոցառումը հաստատեց մասնակից հաստատությունների բարձրագույն կրթության համակարգի որակյալ կառավարման, համալսարանների ռազմավարական պլանավորման բարելավմանը, որակյալ ու ներառական, թվային և կանաչ ուղղվածությամբ բարձրագույն կրթության զարգացմանն ուղղված պատրաստակամությունը։ 

Նախագծի անդամ Ինֆորմատիկայի և ավտոմատացման պրոբլեմների ինստիտուտի (IIAP) աշխատակիցներն ակտիվորեն մասնակցեցին միջոցառմանը` համագործակցային մթնոլորտում ապահովելու ծրագրով նախանշված արդյունքները:

Ողջույնի խոսք
Բացման խոսքով հանդես եկան ԵՊՀ ռեկտոր, դոկտոր Հովհաննես Հովհաննիսյանը, Հայաստանում ԵՄ պատվիրակության ղեկավար, դեսպան Վասիլիս Մարագոսը, ՀՀ Կրթության, գիտության, մշակույթի և սպորտի փոխնախարար Արթուր Մարտիրոսյանը; և Էրազմուս+ ծրագրի Հայաստանի ազգային գրասենյակի համակարգող տիկին Լանա Կառլովան: Նրանց խոսքում կարևորվեց ծրագրի նշանակությունը Հայաստանում բարձրագույն կրթության բարեփոխման գործում:

Իր խոսքում բարձրագույն կրթության բարեփոխումներին աջակցելու հանձնառության մասին շեշտեց պարոն Վասիլիս Մարագոսը՝ նշելով. «Մենք ուրախ ենք ակտիվորեն նպաստել կրթական բարեփոխումներին։ Մարդկային կարողությունների զարգացումը մեզ համար առանցքային ոլորտ է, և մենք պատրաստ ենք էական աջակցություն ցուցաբերել այս նախաձեռնությանը»: 

Տիկին Լանա Կառլովան կիսվեց ծրագրի սկզբնական նպատակները գերազանցող արդյունքների իր ակնկալիքներով՝ ընդգծելով գերազանցության հասնելու հավաքական հանձնառությունը: Այս հեռանկարային դիրքորոշումը համահունչ է ծրագրի հիմնական նպատակին՝ ստեղծելու հիմնական կատարողական ցուցիչների ազգային շրջանակ՝ խթանելու լավ կառավարումը, որակը, ներառականությունը և բարձրագույն կրթության թվային և կանաչ ուղղվածությունը ողջ Հայաստանում:

Հիմնական նիստերի մեկնարկից առաջ նախագծի անդամ հաստատությունների ներկայացուցիչները հակիրճ ներկայացրին իրենց հաստատությունները և նախագծում ընդգրկված աշխատակիցներին ու նրանց պարտականությունները:ՀՀ ԳԱԱ ԻԱՊԻ-ի գիտական քարտուղար և #KPI4HE նախագծի տեղական համակարգող դոկտոր Հասմիկ Սահակյանը ներկայացրեց Ինֆորմատիկայի և ավտոմատացման պրոբլեմների ինստիտուտի (IIAP) գործունեության հիմնական ուղղվածությունը և ծրագրին մասնակցող թիմին։

Ծրագրի նպատակները և աշխատանքային պլանի պատկերացումները
KPI4HE ծրագրի համակարգող և ԵՊՀ ԵՊՀ միջազգային համագործակցության վարչության պետ Ալեքսանդր Մարգարովը ներկայացրեց ծրագրի նպատակները, գործունեության, արդյունքների և այլ մանրամասներ։

Աշխատանքային փաթեթները կենտրոնացած են այնպիսի ասպեկտների վրա, ինչպիսիք են՝ կարողությունների զարգացումը, ինստիտուցիոնալ հետազոտությունը, ռազմավարական պլանավորումը, որակի վերահսկումը և տարածումը: Եվրոպական գործընկեր հաստատությունների ներկայացուցիչները նույնպես ծանոթացրին իրենց համապատասխան աշխատանքային փաթեթների մանրամասները:

Աշխատաժովովի երկրորդ օրը սկսվեց ծրագրի ֆինանսական կառավարման կանոնները մասնակիցներին ներկայացրեց ԵՊՀ դրամաշնորհների համակարգման բաժնի վարիչ, դոկտոր Արսեն Ապրոյանը: 

Բոլոր մասնակիցները բաժանվեցին աշխատանքային խմբերի ըստ գործունեության առանցքային ցուցանիշների և քննարկումներ անցկացրեցին, որի արդյունքներն ամփոփվեցին աշխատաժողովի ավարտին։ Միջոցառումն ավարտվեց Կառավարման խորհրդի կողմից ծրագրի կարևոր բաղադրիչների հաստատմամբ։ 

KPI4HE նախագիծը պատրաստվում է փոփոխություններ մտցնել Հայաստանի բարձրագույն կրթության մեջ՝ գերազանցության, կայունության և ներառականության հանձնառությամբ: Ծրագրի զարգացման ընթացքում ակնկալվում է, որ այն կսահմանի բարձրագույն կրթության լավ կառավարման, որակի և հեռանկարային մոտեցման նոր չափանիշներ:
  
Նորություններ
Հայաստանի գիտությունների ազգային ակադեմիա ՈԱԿ-ը հայտարարում է մրցույթ
ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի պետական ոչ առևտրային կազմակերպության տնօրենի թափուր պաշտոնը համալրելու համար
(Տեսնել ավելին)




2024թ. մայիսի 23–ին ժ.14։00–ին տեղի կունենա
ՀՀ ԳԱԱ ԻԱՊԻ ընդհանուր գիտական սեմինար (սեմինարը կանցկացվի սեմինարների սենյակում
/4-րդ հարկ/):

Օրակարգում`
Արման Վարդումյանի “ԹՎԱՅԻՆ ԻՆՏԵԳՐԱԼ ՍԽԵՄԱՆԵՐԻ ԱՎՏՈՄԱՏԱՑՎԱԾ ՊԱՐԱՄԵՏՐԱԿԱՆ ՕՊՏԻՄԱԼԱՑՄԱՆ ՄԻՋՈՑՆԵՐԻ ՄՇԱԿՈՒՄԸ” թեմայով զեկույցը:




ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի  <<Կոդավորման և ազդանշանների մշակման>> բաժինը աշխատանքի է հրավիրում մաթեմատիկական և տեխնիկական կրթությամբ մագիստրոսների, ինչպես նաև 4-րդ կուրսի ուսանողների հետևյալ ուղություններում`
  • Գաղտնագրություն (Cryptography)
  • Կոդավորման Տեսություն (Coding Theory)
  • Պատկերների մշակում (Image Processing)
  • Ազդանշանների մշակում (Signal Processing)
  • Համակարգչային տեսանելիություն (Computer Vision) 
Պահանջներ՝
  1. Խորը գիտելիքներ հանրահաշվից և թվային մեթոդներից
  2. Անգլերենի իմացությունը պարտադիր է, ռուսերենի իմացությունը՝ ցանկալի:
  3. Ցանկալի է առնվազն մեկ ծրագրավորման լեզվի իմացություն:
  4. Աշխատանքային փորձը պարտադիր չէ:
Աշխատանքին դիմելու համար կարող եք ինքնակենսագրականը (CV) ուղարկել 
sabrahamyan@sci.am  էլեկտրոնային հասցեին:


                                                           
ԿԱՊ ՄԵԶ ՀԵՏ
  • 0014, ք. Երևան, Հայաստանի Հանրապետություն, Պ.Սևակ 1
  • Հեռ.: (+37410) 28-20-50
  • Էլ. փոստ: iiap@sci.am
 ԻՆՍՏԻՏՈՒՏԻ ՄԱՍԻՆ
 ԳԻՏ. ԳՈՐԾՈՒՆԵՈՒԹՅՈՒՆ
 ԿՐԹՈՒԹՅՈՒՆ